طريقة عمل الزعتر بعشر دقايق

طريقة عمل الزعتر بعشر دقايق

اسم الطبق طريقة عمل الزعتر بعشر دقايق
الوصف uncategorised
المطبخ العربي
إعداد albareeah2003

كتير ناس بشتري الزعتر إلي بتاكل مع الزيت جاهز وانا منهم بس المرة هادي حبيت اعمله بالبيت ويااااااااااااا الله شو فرق عن الجاهز خاصة انه الجاهز ما بكون زعتر مية بالمية أحيانا بطحنو معه حمص حب عشان يكترو الكمية 🙁
المهم … عملته اليوم بعشر دقائق بسسسسسسس
الطريقة جدا سهلة وأولا المكونات : زعتر ورق من عند العطار او بنده وكارفور وما شابه ، سمسم نيء ، سماق ، رشة ملح ، رشة ملح ليمون ، زيت زيتون بس.
الطريقة :
بنجيب قلاية ويفضل طبعا التيفال وبنحمص السمسم

لحتى يصير هيك لونه محمص يم يم

مكانه بنحمص الورق طبعا مجرد دقيقة إلي ريحته تطلع بس

وبنحطه بصينية عشان يبرد شوي

بعدين بندهن إيدينا زيت زيتون

ونحط شوية من الورق بكفنا

و بنفركة لما يصير ناعم

وبنحطه بعلبة او صحن وهيك لما كل الكمية تخلص
بعدين بنخلطه مع السمسم و شوية سماق ورشة الملح وملح الليمون وبنخلطه و كمية السماق والملح وملح الليمون حسب الذوق يعني في ناس بحبه حااااامض في ناس لأ
أنا حطيت ملعقة ونص مليانه سماق ورشة صغيييرة ملح و نص رشة ملح ليمون بس .

وبتحرك منيح وبتحطيه بعلبة أو مرطبان وهيك عندك أشهى زعتر للفطاير أو للإفطار الصبح مع زيت وشاي يم يم يميييييييييييي

من قريييييييب


مجلة الطبخ العربي | © 2020 جميع الحقوق محفوظة