| اسم الطبق | طريقة عمل قالب التوست بالبيض والبشاميل |
| الوصف | سندوتشات |
| المطبخ | العربي |
| إعداد | سرابيل |
| المقادير8 بيضات للقالب الكبير – كيس توست استخدمه كله – بشاميل ثقيل شوي – طماط مقطع – فلفل رومي مقطع – جبن مبشور او سليس للوجه – فلفل اسود وملح
بيض مسلوق ( وقت السلق ضيفي ملح وليمون اسود حتى ارفع الزفر عن البيض ) جبن للبشاميل ( اي جبن عندش كيري او ابو الولد او كأسات او مبشور ) فلفل رومي مقطع شرائخ رفيعة جداً – وطماط مقطع شرائح رفيعة للتحضير البشاميل : 4 ملاعق ط زيت – 4 ملاعق ط طحين – 3 كأسات حليب سائل – بيضة – جبن ( اي نوع من الجبن تفضلينه اني خليت جبن ابو الولد ) شوي ملح وفلفل اسود |
| طريقة التحضير
اخلي في قدر صغير الزيت واضيف عليه الطحين واقلب فيه اضيف عليهم الحليب واقلب فيه حتى يمتزج تماماً واضيف الجبن فوقهم ولما يذوب اضيف البيضة ( البيضة تخلي الوجه يشقر اسرع وطعم اللذ ) احرك في البشاميل حتى يغلط ويثقل شوي الحين نجي لتحضير القالب اخلي شوي بشاميل بالقالب حتى لا يحترق التوست او ينشف بالفرن اقطع اطراف التوست واصف التوست في القالب … اوزع شرائح الفلفل الرومي الرفيعة على التوست اقطع البيض شرائح واصفها فوق الفلفل الرومي ( تقدرين تضيفيني شوي ملح وفلفل اسود لان البيض مافيه ملح بعد التقطيع ) خليت شوي جبن سليس فوق البيض حتى يسيح فوق البيض ويعطي طعم لذيذ اصف شرائح الطماط فوق الجبن ورشت شوي ملح وشوي فلفل اسود وبعدين اجيب الطبقة الثانية للتوست واغطي الحشوة .. بعدين اضيف البشاميل ( واني زينته بالطماط والفلفل وجبن سليس ) ادخل القالب في فرن مسخن مسبقاً اول شي من تحت وبعدين فوق للتحمير الوجه |