وبما أني ما أستخدم الماجي بكل أنواعه في طبخي أبد أبد
لذلك أعمل منكهات بطريقتي
من إستخدام الودتسة (الودكة) وعملها منزلياً
والأكل يكون طيب ولذيذ بتفننك بطريقة التشويح ووضع منكهات طبيعية مثل الفلفل الرومي والفلفل الأخضر الحار والثوم
ورشة زعتر على بعض الطبخات خاصة المكرونات
الخلع هو الشحم الباقي من تصفية دهن الشحم اللي هو الودتس (الودك)
إذا صار عندك شحم من اللحم أو لية خروف ومتحسفة ترمينها أنا ما أرميهن أبد
أستفيد منها في طبخي لأنها بصراحة تعطي نكهة
@@@@@@@@@
المقادير
شحم لية خرفان ، غنم اللي تبون وأي شحم من باقي الخروف يفي بالغرض
وممكن تسونها بالسنام حق البعير بس تراني ماجربته
ملح
كركم
الطريقة
نشوح البصل شوي وعلى طول نحط الشحم ونشوح نشووووووح
لحد مايذبل وينزل مويته
بعد كذا نحطه على نار هادية ونخليه وكل فترة نجي نطل عليه ونحرك بإستمرار
لحد ماينزل كل الدهن (الودتس)
يفضل يكون الشحم ماسك قطيعات لحم خاصة لو من لية الخروف بعدها تقدرون تاكلون اللحم طعمه خيال و هذا اللي يسمونه (خلع)
مقال \ خريجه عاطله