خلطة المحشي صارت ولا أسهل ووداعا لرائحة الثوم لمدة شهر..تعالي أعلمك طريقتي المررريحة

خلطة المحشي صارت ولا أسهل ووداعا لرائحة الثوم لمدة شهر..تعالي أعلمك طريقتي المررريحة

اليوم جبتلكم طريقتي في تفريز خلطة المحشي و والثوم وخلطة تتبيل السمك المريحة لأبعد حد..
وتريحيك لمدة شهر تقريبا أو تزيد حسب كثيرة استخدامك من عدمه..

الان نشوف المحشي…

نسوي الخلطة على النار ..
(بصل + ثوم + طمااااااطم+ علبة صلصة + نعناع + بهارات + 2 ماجي + زيت زيتون+ بقدونسومزبرة خضراء(اخر شيء)

نتركها تبرد و بعدين نجيب كيس حفظ للفريزر

ونحط الحشوة و نساويها على صينية و ندخلها تتجمد على ها الشكل: 

واذا جمدت تصير زي اللوح تقدري تصفيها في باب الثلاجة …الحشوة هذه كفتني كيسين وتتصف بشكل منظم جدا ويسعفك في أوقات الزحمة..على طول تطلعي الكيس يفك وتضيفي الرز حقك فقط…

الان وداعا لرائحة الثوم في يدك كل يوم…

نجيب كمية من الثوم ونقشره وياخذ وقت في التقشير لكن ترتاحي بعدين مرررة…

هذه الكمية قسمتها قسمين

القسم الأول:
استخدمه في الأكل وهذا بفرمه بدون ولاشيء في خلاط البصل و أحطه بكيس نفس خلطة المحشي..
واذا جيت أستخدم أكسر جزء منه وارجعه للفريزر …وطبعاهو يتصف في باب الفريزر مع خلطة المحشي ويكون شكله مرتب جدا..

القسم الثاني
استخدمه لخلطة تتبيل السمك
أحط الثوم + 2 ملعقة كبيرة كمون + واحد فلفل أحمر حار
وهذه الخلطة تحتفظ في الثلاجة مدة طويلة وما تخرب …في ناس تضيف الملح لكن أنا أحبها كذا وأتحكم بالملح في الأكل بنفسي..
أستخدمها أيضا في الطحينة اللي تتسوى مع السمك…

مقال \ أسمى الأماني


مجلة الطبخ العربي | © 2019 جميع الحقوق محفوظة