طريقة عمل المرقوق

طريقة عمل المرقوق



اسم الطبق طريقة عمل المرقوق
الوصف أطباق شعبية
المطبخ العربي
إعداد ام حمودي 500
المقادير

طحين بر حسب الحاجه
3 حبات كوسه مقطعه كبار شوي
3 حبات جزر مقطعه كبار شوي
2 عود دارسين قرفه
4 حبات عصير طماطم
ملح وفلفل اسود وبهارات مشكله مطحونه
فلفل رومي حبة صغيره مقطعه كبار
حبة بصلة وسط مفرومه
اربع قطع لحم بعظم او حسب الحاجه وعدد الافراد

طريقة التحضير

نعجن الطحين على قد حاجتك وعدد افراد عيلتك وخلي العجينه شوي قاسيه وبعد ماتخلصين عجن رشي سطحها بشوي ماء………..

وغطيها وخليها لربع ساعه ثم كوريها دوائر صغاروايدينك مبلوله بالماء وصفيه بصحن مرشوش بشوي ماء واتركيهم لنص ساعه اوربع ساعه وكل ماخذت وقت احسن وبعدين ابدي رقيها بدينك تخلينها رقيقة العموم الي ماتعرف ترق  تكور العجينه صغار مررره وترقه على صحن مرشوش بماء وتحط بالقدر او تقسي العجينه مره وتفردها مالكم عذر ماقصرنا بالطرق
ملاحظه الطحين حقي مملح علشان كذا خففت الملح بالمرق انتبهوا………
نحمس البصل مع شوي زيت ونضيف عليه الدارسين والفلفل الرومي واللحمه ونحركه ليلون اللحم ثم نضيف الخضار ونقلب شوي لثلاث دقائق تقريبا ثم اضيف الملح والفلفل الاسود والبهارات ونحركهم شوي …….

ثم اضيف عصير الطماطم المطحون عليهم ونخليه ليفوح الخليط مع بعض ثم اضيف الماء عليهم …….

بعد ثلث ساعه على طبخ اللحم ابدا برق العجينه بالماء واواسيها على سطح المرق شوي شوي وانتبهوا لا ترقون وراء بعض عطي كل حبه حقها تقريبا دقيقه ليغير لونها وتنضج بعدين قطعيها على خفيف ثم رقي الي بعدها ان شاء الله فهمتوا وهذا شكلها وانا قاعده ارق واحط …………

وبعد مااخلص اوطي النار مررره وقبل على نار هادئه وانتي ترقين علشان مايحترق وحركي على خفيف على شأن ما تطلع عصيده وخليها لثلث ساعه تقريبا وهذا شكلها…….




مجلة الطبخ العربي | © 2022 جميع الحقوق محفوظة