طريقة عمل مرقوق

طريقة عمل مرقوق

اسم الطبق طريقة عمل مرقوق
الوصف أطباق شعبية
المطبخ العربي
إعداد يوماً ما سنلتقي
المقادير

بصل مقطع
طماطم مقطع
لحم مع العظم مقطع قطع متوسطه
كوسه مقطعه بشكل طولي
باذنجان مقطع طولي
قرع مقطع بشكل طولي
فاصولياء مقطعه قطع متوسطه
وللحمس سمنه
طحين (بر)
بهارات مشكله ، ملح ، ماجي ابيض
حبه سوداء وحلبه

اطريقة التحضير

تعجنين اول شي البر بما حتى تتكون لديك عجينه متماسكه وطريه في نفس الوقت وتخلينها مده نصف ساعه (حتى ترسي)على قولتنا حنا الدواسر.
بعدين تبدين بعمل المرقه
تحمسين البصل لين يتحمر قليلاً ثم تضيفين له الطماطم وتحمسين حتى تذوب بعدين تحطين عليها اللحم والبهارات المشكله والملح وشوي ماجي ابيض والحلبه والحبه السوداء وتحمسينهم وتضيفين معجون طماطم وملعقة كركم وعودين دارسين ثم تصبين عليهم الماء ثم خليهم يطبخوا ثم اضيفي الكوسه والفاصوليا .
بعد كذا تجين للعجين وتقطعينه لكور ومرريها في الطحين طبعاً لما تجين تقطعينهم بلي يدك بالماء وصفيهم بصحن مرشوش عليه طحين يعني قد نصف كاس حتى تنتهين من العجين خليهم عشر دقايق بعدين روحي يم القدر واضيفي الباذنجان وابدي (تنثلي العجينه بيدك) واذا ماتعرفين افرديها بالفراده حتى تكون رقيقه وابدي حطيها بالقدر وغطي القدر شوي
بعدين افردي الثانيه وافتحي القدر وحاولي تبعدين العجينه الأوله في جهه ثانيه من القدر بس حركه خفيفه عشان ماتتقطع معك
نسيت حطي القرع لما تبدين تحطين العجين بالقدر
وهكذا حتى تنتهين من المقدار اللي عندك ثم اضيفي له (علوب تراز) اللي هو الفلفل الحار وخليه حتى يستوي
ثم قدميه بصحن ورشي علي فلفل اسود مطحون وسمنه (البلدي طبعاً)


أترك تعليقاً

مجلة الطبخ العربي | © 2019 جميع الحقوق محفوظة