طريقة عمل ورق عنب فلسطيني

طريقة عمل ورق عنب فلسطيني

photo


اسم الطبق طريقة عمل ورق عنب فلسطيني
الوصف مقبلات
المطبخ الفلسطيني
إعداد Miss.Reem

 

 المقادير و طريقة التحضير

اولا اسلقي ورق العنب شوي بالمي و طلعيه
و بعدين انقعي رز مصري لمدة ساعة
بعد النقع :
ضعي فلفل اسود و بهار مشكل و ملح و ورشة زيت زيتون و شوية سمنة على الرز المنقوع و اخلطيه منيح
في ناس كمان بتحط نعنع مفروم مع الرز .. انا جربت و ما عجبني بالمرة لانو بغير كل نكهة الاكل .. بدونه اطيب
بعدين ابدأي بلف ورق العنب ….. و لا تكثري من الحشو داخل الورق لانو رح يضل الرز يابس اذا كانت الحشوة كتيرة
بعد الانتهاء
احضري الطنجرة اللي رح تطبخي فيها
ضعي في قاع الطنجرة قطع الدجاج او اللحم حسب الذوق او بدون دجاج و لحم على راحتكم و بعدين ضعي شرحات بصل فوق الدجاج و شرحات بندورة على شكل دوائر و قطع بطاطا على شكل دوائر ايضا و ابدأي بصف حبات ورق العنب في الطنجرة .. يمكن صف المزيد من شرائح البندورة و البطاطا بين حبات ورق العنب بطلع اطيب
بعد الانتهاء من ترتيبها ..
في طنجرة اخرى على النار .. ضعي مقدار من الماء او مرق الدجاج و دعيه حتى يغلي و حطي عليه ملح و عصير ليمون و ملح ليمون .. انتبهي لازم يكون حامض مشان يطلع اطيب ..و 3 مكعبات ماجي اذا كان ماء .. اما اذا كان مرق ضعي مكعب واحد .. و اخر شيء حطي 3 – 4 ملاعق كبيرة صلصة بندورة طبعا هاي اهم خطوة .. في ناس بتطبخها بدون صلصة بندورة .. انا بشوف انو اطيب بكتير مع صلصة البندورة
بعدين
احضري طنجرة ورق العنب و ضعي صحن عليها بحيث يضغط على حبات ورق العنب لمنع فتحها و تفتتها اثناء الطبخ
بعد وضع صحن
اسكبي المرق اللي عملتيه عليها بحيث يغمرها و يزيد .. خليها تكون كمية المرق كبيرة يعني يعمرها و زيادة مشان ينطبخ منيح .. طبعا رح تطلع المرق عن الصحن اللي حطيتيه عادي مش مشكلة
بعدين ضعي الطنجرة على نار عاليه لحد ما يغلي .. بعد الغليان ضعيه على نار هادية جدا و غطي الطنجرة
و طبعا خلي الصحن عليهم لحد ما يستوي و تنشف المرق اللي عليه .. مش شرط انو ينشف المرق 100%
ممكن ورق العنب يستوي و الرز اللي جواتو و المرق يكون زايد عليهم عادي مش مشكلة .. بتكون الطبخة خلصت لما يستوي
يمكن ياخد معك ساعة و نص الى ساعتين ..
و صحة و هنا

 




مجلة الطبخ العربي | © 2021 جميع الحقوق محفوظة