| اسم الطبق | طريقة عمل الأرز بعيدان الدجاج |
| الوصف | أطباق رئيسية |
| المطبخ | العربي |
| إعداد | om turky |
| المقادير و طريقة التحضير
ننقع كوبين من الرز لمدة نص ساعة وفي هذي الوقت نسوي الكشنة وهي عبارة عن بصل مفروم ناعم وثوم مهروس وزنجبيل مفروم ناعم جدا جدا نحمره في زيت الين مايذل البصل وبعد كدا نحط البهار الصحيحة من هيل قرنفل وقرفة ومكعب ماجي ونحركه
نطبخ الرز لمدة ربع ساعة وبعد ها نحط فوقها البصل المحمر ونغطيه الين مايستوي وممكن بعد الإستوا نرش شوي ملح
هنا عملنا حفرة فيها الفحم ونرش فوقه شوي زيت ونغطي قدر الرز وخليه من ربع ساعة إلى 20 دقيقة
بالنسبة للدجاج أنا اشتريته المتبل الجاهز وممكن تعملي فيليه وتبليه على ذوقك أنا هنا بالرغم انه متبل بس قد جربته قبل كدا الطعم جدا خفيف وملح ناقص فعملت بعض التعديلات اني حطيت البهارات المشكلة والملح ورشة فلفل أسود وبصل بودرة والثوم البودرة وخلطتهم ماشاء الله طلع الطعم
 قطعت الدجاج بعد ماتبلته مرة ثانية وحطيته في وسط العيدان
 قليته في زيت والأفضل انك تقلينها على دفعات مو دفعة وحدة واقلبيها عشان تستوي من كل الجهات
 رصيته في صينيه وجبت فحمه وولعته وحطيته في وسط قصدير وحطيته في الصينية ورشيت زيت وغطيته بقصدير بسرعة …….والأفضل انك تجهزي القصدير قبل ماتولعي الفحم
  واتركيه من ربع ساعة لـ 20دقيقة
 وهذا شكله النهائي
 الرز من قريب
 عيدان الدجاج من قريب
 وقدمتها مع السلطة
وهذي لأول وحدة ترد  |
