طريقة عمل رولات الكريب المحـشيـه

للباشاميـل:
تسوين صلصة بشميل عادية اللي مكونه من زبده وطحين وحليب فقطــ.وخليها تصير خفيفه نوعا ما …وتضيفين لهـأآ الآتي ….
بقدونس مفروم + ثوم مفروم + ملح وفلفل اسود + جبن بارمزان جبن موتزاريلا

للكـريبــ:تسوين خلطة كريب اللي تحبينها وتحمرينها من الجهتين وتخلينها على جنب .. انا استخدمت خليط البانكيك الجاهز بطريقة عاديه بس زدتها حليب لين صارت بالقوام المناسب للكريب

1- نشوح الفطر تواة بزيت زيتون بدوون اضاافة البهااراااتت .ونخليها تتحمر عالخفيف

بعدين نشيلها بصحن ونضيف لها ملح وفلفل اسود و عصرة ليموون محترمهـ ووو بقدوونس مفروم وخليها على جنب

2- بنفس التوـأآه نزيد اشوية زيت زيتون ونشوح فيها البصل مع الثوم والملح فقطـ.!!! ونخلي البصل يذبل ويتحمر عالخفيفـ

3- بعدين نحط الدجاج المنتف ونخلطه عدل لين ما يسخن الدجاج وياخذ طعم البصل

4- بعدين نشيل التواة من على النار ونضيف لهــم..البقدونس و الفليفله الحمرا المقطعه و الزيتون المفروم وخلطة الفطر والبهارات المكتووبهـ فوووق و ليموووووننننننننننننننن

ونخلطهم ونخليهم على جنب لين ما نسوي الباشاميل

5- جيبي الباشاميل اللي سويتيه ..وضيفيلهـ البارمزان والموتزاريلا والثوم المفروم والبقدونس المفروم والملح والفلف الاسود

وخليطييهم و بتشوفين كيف طعمها غـــــير بالثووم والبقدوونس

6- نبتدي الحين نحشي الكريب..ونلفه رولات..ونصفه بصينية ..وفوقهم الباشاميل بس لاتكثرييين من الباشاميل وو هووووب بالفرن على 500 فهرنهايت لين ما تسخن حبات الكريب ويتحمر

وكذااا شكلهـأآأآ بعد ماتطلع من الفرن…مامداني الحق اصوور الصينية اللي اختفا نص اللي فيها